.png)
Gazeta Si – Inspektoriati Kombëtar i Mbrojtjes së Territorit duket se ka vendosur që të pezullojë për pak muaj shembjen e një hoteli në Dhërmi, në Bashkinë Himarë.
Burime pranë IKMT-së, i kanë konfirmuar se pezullimi është bërë për shkak të sezonit turistik dhe shembja mund të jetë dhe një rrezik për objektet e tjera. Ankesat nga pronarët për dëmtime të objekteve aty pranë, kanë sjellë edhe këtë vendim.
Aksioni për shembjen e hotelit në pronësi të Fjorentin Belit, mik i Fredi Belerit, kryebashkiakut të arrestuar të Himarës, do të bëhet pas sezonit turistik.
Fjorentin Beli, sipas deklaratave të banorëve, ishte numërues në kutinë e fundit të fshatit Kudhës, që i dha fitoren Belerit në Himarë.
Në deklaratat e dhëna për mediat, banorët thonë se operacioni i ndërmarrë nga Inspektorati Kombëtar i Mbrojtjes së Territorit, është i motivuar politikisht.
Familja e tij, tha ditën e djeshme për mediat se djali i tyre nuk ka asnjë faj, ndërsa i bënë thirrje kryeministrit Edi Rama që të tërhiqet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje