.png)
Në pritje për të kuptuar se cila do të jetë e ardhmja e Andrea Pirlos, nga Gjermania vijnë zërat për një interesim të Juventusit për trajnerin Hansi Flik, i cili ka njoftuar zyrtarisht se do t’i japë lamtumirën Bajern Mynihut në fund të sezonit.
Emri i Flik është lakuar shumë si pasardhësi i Joakim Lëvit në krye të Gjermanisë, megjithatë asgjë nuk është e sigurt dhe trajneri që fitoi gjithçka në krye të bavarezëve shihet si një alternativë interesante nga drejtuesit e Juventusit. Në fakt, gjithë kohës klubi bardhezi i ka dhënë mbështetje Pirlos, por fakti që tashmë është vënë në rrezik edhe Liga e Kampionëve, pasi titulli është dorëzuar me kohë, ka bërë që të mendohet për një “timonier” të ri.
Hansi Flik ka dhënë prova se është një trajner mjaft i përgatitur, me të ardhmen përpara. Gjasat më të mëdha janë që ai të ulet në stolin e Gjermanisë, ndërsa më rang klubesh, përveç Juventusit, për të ka edhe një interesim nga klubet angleze. Për gjermanin nuk ka pengesa kontraktuale dhe kjo është një arsye që Juventusi e ka vënë në shënjestër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje