.png)
Policia e Korcës ka dhënë detaje në lidhje me ngjarjen e ndodhur në qytetin jug-lindor, ku një 48-vjeçar ka plagosur një polic. Policia thotë se është arrestuar autori, pasi polici e gjobiti.
Ngjarja ka ndodhur pranë “Kullës Red” në Korçë, ku 48-vjeçari dyshohet se për shkak të detyrës, plagosi me mjet prerës punonjësin e Komisariatit të Policisë Korçë Spartak Zotka, i cili ka qenë jashtë shërbimit dhe më pas është larguar nga vendngjarja.
Siç thotë policia, ngjarja mund të ketë ndodhur, për shkak se 48-vjeçari ishte gjobitur para disa ditësh nga polici, pasi kishte dalë jashtë pa marrë leje.
Policia thotë se autori i dyshuar është tashmë në komisariat, kurse polici në spital, ku ndodhet jashtë rrezikut për jetën.
Në cilësinë e provës materiale iu gjet e sekuestrua një mjet prerës (thikë).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje