.png)
Kontratë e përjetshme për Lionel Mesin, e vlefshme edhe pasi ai të ketë hequr dorë nga futbolli i luajtur. Por jo vetëm kaq. Edhe blerje të rëndësishme për ta kthyer Barcelonën protagoniste në Europë. Ky është plani i Joan Laportës, presidentit të ri të katalanasve, për ta bindur Mesin të qëndrojë.
Argjentinasit i skadon kontrata në qershor dhe kohët e fundit ka janë shtuar zërat për largimin e tij, me shumë mundësi për te PSG, por me Laportën situata mund të ndryshojë. Sipas asaj që bën me dije “El Confidencial”, presidenti i ri ka një plan konkret për ta mbajtur “pleshtin” te Barcelona.
Laporta do t’i ofrojë Mesit një kontratë të përjetshme. Kapiteni mund të ndjekë gjurmët e Arik Abidalit si ambasador i klubit, me një reduktim page me rreth 30%, duke parë situatën e vështirë ekonomike të katalanasve. Drejtuesit e klubit i kanë idetë të qarta dhe duan ta ndërtojnë skuadrën e së ardhmes rreth liderit aktual të tyre.
Për këtë arsye po planifikohet edhe një fushatë blerjesh që të jenë në lartësinë e pritshmërive të Mesit dhe tifozëve të Barcelonës. Emrat më të nxehtë në tavolinë janë ata të Haland, yllit të Borusia Dortmund, dhe Agueros, sulmuesit të Mançester Sitit, të cilit i skadon kontrata në verë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje