.png)
Polonia ka filluar të ndërtojë një mur anti-emigrantësh në kufirin me Bjellorusinë. Gardhi dy metra e gjysmë i lartë do të ketë të njëjtat karakteristika si ai i ndërtuar nga Hungaria në kufirin me Serbinë në vitin 2015, tha ministri polak i Mbrojtjes, Mariusz Blaszczak.
Blaszczak foli gjithashtu për një angazhim më të madh të ushtrisë – e cila tashmë do të vendosë 900 ushtarë përkrah rojeve kufitare, përgjatë 400 km të kufirit – në zonë.
Në atë kufi, i shënuar tani me tela me gjemba – denoncon Polonia – shumë emigrantë aziatikë dhe të Lindjes së Mesme po mbërrijnë, duke bërë presion edhe në Lituani dhe Letoni.
Sipas Varshavës, rreth 1,935 njerëz u përpoqën të hynin në territorin e saj javën e kaluar: 1,175 u kthyen prapa dhe 760 përfunduan në qendrat polake të emigrantëve.
Gjykata Evropiane e të Drejtave të Njeriut (GJEDNJ) ndërhyri në përpjekjen për të lehtësuar vuajtjet e tyre dhe vendosi deri më 15 shtator një sërë “masash urgjente” në Varshavë, në veçanti për të furnizuar grupin me ushqim, ujë, rroba, mjekim adekuat kujdes, dhe nëse është e mundur strehim të përkohshëm. Megjithatë, GJEDNJ ka specifikuar se kjo kërkesë nuk kërkon që vendi t’i lejojë këta njerëz të hyjnë në territor.
Një masë e ngjashme u mor edhe për një grup prej 41 irakianësh me origjinë kurde të bllokuar në kufirin midis Lituanisë dhe Bjellorusisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje