.png)
Nuk ka paqe për PSG-në dhe për Francën. Edhe Kilian Mbape ka rezultuar pozitiv në testin e Covid-19. Lajmi është bërë i ditur nga “France Football”, që saktëson se sulmuesi ka bërë tamponin e kontrollit para grumbullimit me kombëtaren e drejtuar nga trajneri Deshamp.
Mbape është asintomatik dhe tashmë është izoluar, duke humbur kështu ndeshjen e radhës me Kroacinë në Ligën e Kombeve. PSG-ja, në këtë situatë mund të shtyjë ndeshjet e kampionatit. Sulmuesi 21-vjeçar, kampion bote, është lojtari i shtatë i PSG-së që rezulton pozitiv, pas Nejmarit, Ikardit, Di Marias, Paredesit, Navasit dhe Markuinjos.
Një mungesë e rëndësishme për Francën dhe PSG-në, por që mund të ndikojë edhe në zhvillimet e merkatos, ku Mbape mbetet objektivi numër 1 i Real Madridit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje