.png)
Presidenti i Turqisë Recep Tayyip Erdoğan është pritur në një ceremoni shtetërore nga kryeministri Edi Rama sapo ai zbriti në Aeroportin e Shqipërisë me një orë vonesë nga orari i parashikuar.
Pas përshëndetjes së rastit, në këmbët e avionit nga ku presidenti turk zbriti, u kënduan himnet e dy shteteve.
Më pas Presidenti turk është përshëndetur me ministrat e kabinetit qeveritar, të gjithë të pajisur me maskë, ku u shmangën shtrëngimet e duarve si pasojë e pandemisë.
Ata e kanë përshëndetur presidentin turk me dorë në zemër një xhest ky reciprok
Më pas Presidenti Erdogan dhe kryeministri Rama u nisën të vizitojnë banesat e rindërtuara në Laç, një financim i qeverise turke.
Mbasdite pritet edhe nënshkrimi i disa marrëveshjeve dhe konferenca e përbashkët për shtyp mes të dyve.
Vizita e Presidentit turk do të përfundojë në orën 18.00 të mbrëmjes, pas një fjale të rastit që ai do të mbajë edhe me fillimin e sesionit të ri parlamentar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje