.png)
Ndryshe nga deputetët e “Rithemelimit” ata të PD-së zyrtare kanë një qasje të ndryshme ndaj emrave për ambasadorë që po diskutohen në komisionin e jashtëm parlamentar.
Tritan Shehu deklaroi të premten se lista është me emra politike që shkelin ligjin për diplomacinë dhe se nuk kanë minimumi 10 vjet në trupin diplomatik.
Deputeti i PD-së zyrtare Kreshnik Çollaku vlerësoi kandidaturën e Ervin Bushatit ish-deputetit dhe kryetarit të PS-së për Tiranën i cili emërohet ambasador i Shqipërisë në SHBA. Të njëjtën qasje ai kishte edhe ndaj ambasadores së emëruar nga Xhaçka për në Turqi, Blerta Kadzadej
“E përshëndes emërimin e Bushatit… Sfida është nëse do jetë ambasadori i një pale, apo në funksione të detyrës që ka, do thosha të njëjtën gjë edhe për zonjën Kadzadej. Ju keni shërbyer në sektorin e konsullatës prej vitesh, por ju po shkoni ambasadore në një ndër vendet më të rëndësi strategjike për Shqipërinë. Ke një detyrë shumë të madhe, për ti shërbyer interesave të Shqipërisë dhe shqiptarëve…”, tha Çollaku duke iu drejtuar edhe kandidaturës tjetër për ambasadore ne Turqi që prezantoi programin të hënën në komision.
Ambasadorët e rinj
Ridi Kurtezi, Emiratet e Bashkuara
Zhaklina Peto, Mali i Zi
Aida Sakiqi, Gjermani
Ervin Bushati, SHBA
Ilir Gjoni, NATO
Vasilika Hysi, Kombet e Bashkuara Gjeneve
Meri Kumbe, Izrael
Fatmir Velaj, Austri
Blerta Kadzadej, Turqi
Majlinda Frangaj, Vatikan
Mustafa Nano, Zvicer
Uran Ferizi, Britania e Madhe
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje