.png)
Autoriteti Rrugor Shqiptar ka paralajmëruar këtë të martë të gjithë drejtuesit e mjeteve se temperaturat do të jenë shumë të ulëta dhe se priten reshje bore në zonat malore.
“Autoriteti Rrugor Shqiptar në bashkëpunim me Drejtorinë e Policisë së Shtetit, Drejtorinë e Qarkullimit Rrugor dhe Drejtorinë e Përgjithshme të Emergjencave Civile paralajmërojnë të gjithë drejtuesit e mjeteve se temperaturat do të jenë shumë të ulëta dhe se priten reshje bore në zonat malore”, thuhet në njoftimin e ARRSH-së.
Rekomandohet që në segmentet Librazhd-Korçë-Kapshticë dhe Korçë-Ersekë të qarkullohet me goma dimërore apo edhe me zinxhirë gjatë natës për shkak të temperaturave shumë të ulëta dhe pritjes së reshjeve të dëborës në zonat malore.
Në fund, ARRSH u bën apel përdoruesve të rrugës të tregojnë kujdes dhe të respektojnë sinjalistikën rrugore. Të vendosin gomat dimërore në segmentet rrugore që u njoftua, të respektojnë Patrullat e Policisë në terren dhe të lëvizin me shpejtësi të reduktuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje