.png)
Kryeministri Edi Rama organizoi një pritje të diplomatëve dhe ministrave dhe ish-ministrave të Jashtëm e zyrtarëve të tjerë për t’i falenderuar ata me rastin e marrjes së mandatit për të qenë pjesë e Këshillit të Sigurimit të OKB-së në vititn 2022-2023.
“Mandati i Shqipërisë në Këshillin e Sigurimit një fitore e shqiptarëve. Në pritjen zyrtare me rastin e anëtarësimit të Shqipërisë në Këshillin e Sigurimit, më përfaqësues të trupit diplomatik të akredituar në Tiranë, akademikë, ministra dhe ish ministra të jashtëm. Mirënjohje diplomatëve dhe përfaqësuesve të shërbimit të jashtëm shqiptar ndër vite për këtë arritje”, shkroi Kryeministri Edi Rama në rrjetet sociale.
Gjatë fjalës në këtë pritje, Rama përçoi edhe një mesazh në adresë të Bashkimit Europian, duke cituar kritikat, që tha se kishte marrë nga një “mendje e kthjellët”.
“Më bëri një kritikë të bukur një mendje e kthjellët. Vlerat që t’i i quan europiane kur flet për BE nuk janë ekskluzive të saj, por edhe vetë BE lufton dhe përpiqet që t’i forcojë më shumë. Po janë vlera universale dhe nëse nuk do të ishin të tilla nuk do të ishin në një sfidë e vazhdueshme edhe për vetë BE pasi sot Kosova nuk do të ishte e pamundur për të lëvizur e lirë, dhe Shqipëria e Maqedonia e Veriut nuk do të ishte në pritje të një date”, tha Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje