.png)
Gazeta Si – Kreu i KQZ-së, Ilirjan Celibashi firmos urdhrin që të vazhdohet procesi votimit në Qendrat e Votimit ku nuk punon pajisja PEI, ku gjithçka do të kryhet manualisht.
Ishte Sekretari për Çështjet Ligjore në PS Eridian Salianji i cili i kërkoi Komisionit Qendror të Zgjedhjeve që të marrë masa të menjëhershme për vijimin e votimit pa përdorimin e pajisjes PEi.
“Të nderuar Anëtar të Komisionit Rregullator, I nderuar Z.Komisioner, Sot në datë 14 maj 2023, në orën 07.00 ka filluar procesi I votimit për zgjedhjet për organet e qeverisjes vendore të dt. 14 maj 2023. Për sa më sipër, bazuar në Kodin Zgjedhor, kërkojmë nga na Juaj, marrjen e masave të menjëhershme për vijimin e votimit në këto qendra votimi ku pajisja PEi nuk funksionon, duke urdhëruar fillimin e menjëhershëm të votimit”, deklaroi Eridian Salianji.
Më herët, problemi me pajisjen bëri që edhe kryekomisioneri Ilirjan Celibashi të mos votojë.
Ai iu drejtua qendrës e tij të votimit te shkolla 9-vjeçare “Dëshmorët e Lirisë” që në orën 07.00 të mëngjesit.
Komisioneri Shtetëror i Zgjedhjeve nuk mundi të votojë në qendrën e votimit te shkolla Dëshmorët e lirisë, për shkak të një problemi në pajisjen elektronike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje