.png)
Ashtu siç kishin paralajmëruar, edhe sot studentët që në orët e para të mëngjesit kanë filluar pak nga pak të mblidhen për të protestuar për kauzën e tyre.
Gazeta “Si” është në të katërtën ditë me radhë mes protestuesve. Fillimisht studentët janë mbledhur te Korpusi për të vazhduar më pas pranë godinës së Ministrisë së Arsimit.
Studentët e Politeknikut janë shprehur se janë për një protestë jopartiake, pasi mendojnë se mes grupeve të organizimit ka përfaqësi të grupeve rinore që duan t’i japin ngjyrime protestës.
Në orët e para të mëngjesit të kësaj të shtune vihej re edhe një çorientim mes tyre, por kërkesat e tyre vazhdojnë të mbeten të njëjtat.
Studentët shprehen të bindur se do hyjnë në grevë urie në qoftë se nuk plotësohen të gjitha kërkesat.
Para godinës së Ministrisë së Arsimit, ata kanë nisur të qëllojnë me vezë.
Ashtu si dje, protestës së tyre u janë bashkuar edhe shumë prindër.
Ndërkohë, aty kanë ardhur dhe banorët e Astirit, të cilët duan t’i bashkohen protestës, por studentët nuk i pranojnë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje