.png)
Mazhoranca iu përgjigj përmes Damian Gjiknurit deklaratave të Presidentit Ilir Meta se komisioni hetimor parlamentar për hetimin e raportit të Dick Marty-t, i votuar nga socialistët në seancën e së enjtes i shërben Serbisë.
Damian Gjiknuri i cilësoi komentet e Metës si të motivuara politikisht dhe e akuzoi atë se prej kohësh është shkëputur nga detyra si President i vendit duke mbajtur më tepër qëndrimet prej kryeopozitari ndaj Qeverisë.
“Ata që janë të paster dhe nuk kanë gjë të fshehin nuk kanë pse të shqetësohen për çfarë do të bëjë komisioni hetimor. Deklaratat e Metës duhen marrë në kontekstin politik. Ka kohë që Presidenti Meta nuk flet me si President, por si dikush që synon të bëhet kryetar i opozitës”, tha Gjiknuri.
Një ditë më parë, gjatë ceremonisë së ngritjes së Flamurit në Vlorë, Presidenti Meta tha se komisioni i ngritur nga Parlamenti për akuzat e Dick Marty-t nuk i shërben as Shqipërisë dhe as Kosovës dhe se aktakuzat ndaj UÇK-së janë të motivuara nga Beogradi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje