.png)
Të enjten Kuvendi do të miratojë ndryshimet për ligjin e dosjeve të sigurimit të shtetit, ku dy grupet parlamentare të PS dhe PD kanë bërë propozimet e tyre.
Të hënën në Komisionin e Ligjeve konsensusi midis palëve u prish me largimin e deputetëve të opozitës nga komisioni, me argumentin se PS-ja pranoi pjesërisht propozimin e Grupit Parlamentar të PD, duke kundërshtuar atë pikë që lidhej me hapjen e plotë të dosjeve dhe aksesin e qytetarëve tek to.
Grupi “Alibeaj” e paraqiti sërish të enjten në seancë plenare amendamentin
Pas diskutimeve me njeri tjetrin, deputetët të grupit të Alibeajt thanë se socialistët janë tërhequr nga qëndrimi fillestar dhe kanë pranuar hapjen e plotë të dosjeve. Burime nga grupi thanë gjithashtu se palët kanë dakordësuar amendamentin që pritet të votohet në seancën plenare të së enjtes.
Amendamenti i dakordësuar
“Çdo person gëzon të drejtën të njihet me dokumentet e ish sigurimit të shtetit dhe të kërkoj një kopje të tyre, në përputhje me ligjin për të drejtën e informimit, me kusht që kërkuesi të paraqesë të dhëna në kërkesën e tij që mundësojnë lokalizimin e informacioneve. Informacioni jepet vetëm kur angazhimi i nevojshëm për gjetjen dhe vënien në dispozicion të informacionit është në përpjestim të drejtë me interesin e argumentuar të kërkuesit në marrjen e këtij informacioni, Kërkuesi mban përgjegjësi për keqpërdorimin e informacionit të marrë”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje