.png)
Është publikuar rezultati i plotë i zgjedhjeve për njësinë numër 10 në Tiranë, ku u aplikua si identifikimi, ashtu edhe votimi elektronik.
Partia Socialiste është renditur forcë e parë me 6007 vota, Partia Demokratike është ndalur si e dytë me 4550 vota dhe LSI, forcë e tretë me 628 vota.
Si vota preferenciale, nga Partia Socialiste kandidati më i votuar rezultoi Fatmir Xhafa me 2795 vota, ndërsa në kampin e Partisë Demokratike kandidati më i preferuar në këtë njësi rezultoi Agron Shehaj me më shumë se 500 vota.
KQZ e cilësoi procesin e votimit elektronik të suksesshëm duke theksuar se në zgjedhjet e ardhshme do të zbatohet në të gjithë vendin. Sipas KQZ-së, infrastruktura ligjore është e shtruar.
“Është gjithë koha e nevojshme për ta organizuar. Kur KQZ ja doli në tre muaj, jam e bindur se në zgjedhjet e ardhshme votimi elektronik do të jetë një sukses 100%”, tha nënkomisionerja, Lealba Pelinku.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje