.png)
Gazeta Si – Një tjetër bisedë telefonike është bërë sot mes presidentit francez Emanuel Makron dhe atij rus Vladimir Putin, në ditën e 69-të të luftës në Ukrainë.
Gjatë kësaj telefonate, presidenti rus ndër të tjera ka thënë: “Mbetemi të hapur për dialog me Kievin”. Numri 1 i Krelinit ka pohuar po ashtu se “Ukraina nuk është gati për negociata serioze”.
Në anën tjetër, Makron ka replikuar, duke theksuar se Putini duhet t’i japë fund agresionit në Ukrainë. “Rusia duhet të jetë në lartësinë e përgjegjësive të saj si pjesëtare e Këshillit të Sigurisë, duke i dhënë fund luftës në Ukrainë”. Ky ishte qëndrimi i Makronit gjatë bisedës që zgjati 2 orë e 10 minuta. Ishte biseda e parë pas 29 marsit mes dy krerëve të shteteve dhe e para po ashtu pas rizgjedhjes së Makronit.
Autobusët me civilët e evakuuar nga Mariupol ndërkohë kanë mbërritur në Zaporizhia. Në këtë qytet tensioni mbetet i lartë, me rusët që kanë sulmuar sërish fabrikën e çelikut ‘Azovstal’.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje