.png)
Gazeta Si – Presidenti rus, Vladimir Putin, ka thënë së fundi se nuk ka në plan të përdorë armë nukleare në Ukrainë. Ai ka folur në konferencën e Club Valdai në Moskë.
“Nuk kemi nevojë të përdorim armë nukleare në Ukraina, – ka shpjeguar Putin. – Nuk ka sens, as politikisht dhe as ushtarakisht”. Në një dokument strategjik, Pentagoni ka zbuluar se Moska është gati të përdorë arsenalin e saj nuklear si pjesë e të gjitha formave të sulmit, por Putin e ka mohuar këtë fakt.
“Askush nuk ka qenë dhe nuk do të jetë në gjendje të shkatërrojë Rusinë, ose ta fshijë atë nga hartat gjeopolitike. Rusia mbron të drejtën e saj për të ekzistuar, pavarësisht nga Perëndimi”, – ka deklaruar presidenti i Rusisë. Ai kërkoi të justifikonte pushtimin rus të Ukrainës, një lëvizje që e ka lënë vendin e tij të izoluar ndërkombëtarisht.
Putin përsëriti sulmet e tij të fundit ndaj Perëndimit dhe atë që ai e quajti “lojën e rrezikshme, të përgjakshme dhe të ndyrë” të mohimit të vendeve sovranitetin dhe veçantinë e tyre. “Dominimit të pandarë” të Perëndimit mbi çështjet botërore tani po i vjen fundi, pohoi ai.
“Ne jemi në një kufi historik. Përpara është ndoshta dekada më e rrezikshme, e paparashikueshme dhe në të njëjtën kohë e rëndësishme që nga fundi i Luftës së Dytë Botërore”, – deklaroi Putin.
Sipas tij, “në muajt e fundit Perëndimi ka ndërmarrë një sërë hapash për të nxitur përshkallëzimin në Ukrainë”. “Zgjerimi i NATO-s ishte i papranueshëm për Rusinë, Perëndimi e dinte, por e injoroi”, theksoi Putin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje