.png)
I pyetur nëse kishte ndonjë koment mbi pyetjet që shtroi pak ditë më parë Ambasadorja amerikane Yuri Kim ndaj kandidatëve për gjashtë bashkitë se çfarë u premtojnë qytetarëve kur mbështeten nga persona “non grata”, Presidenti i Republikës, Ilir Meta, tha se qytetarët duhet të zgjedhin vetë për të ardhmen e tyre.
“Unë jam i bindur që qytetarët e Durrësit, por edhe të 5 bashkive të tjera do të zgjedhin me vullnetin e lire kandidatët më me integritet që garantojnë përkushtim ndaj komunitetit për të përmirësuar qeverisjen vendore. U takon vetëm qytetarëve të vendosin për të ardhmen e tyre dhe ajo që ne të gjithë duhet të kërkojmë është një proces sa më demokratik, ballafaqim idesh dhe programesh dhe në fund të fitojë vullneti i qytetarëve dhe të fitojnë kandidatët më me integritet”, tha Meta në Durrës.
I pyetur për hetimin e inceneratorëve, Kreu i Shtetit u shpreh se i takon drejtësisë që të vendosë për këtë çështje.
“Është përgjegjësia e institucioneve të drejtësisë që të flasin për këtë çështje mbi bazën e fakteve dhe provave për të rritur besimin dhe për të parandaluar abuzimet e rënda me taksat e qytetareve dhe financave publike dhe për këtë kërkohet sa më shumë efektivitet”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje