.png)
Një prej premtimeve elektorale të Edi Ramës për zgjedhjet e 25 prillit ishte ajo e ofrimit të diplomave europiane për të rinjtë nga universitetet shqiptare.
Kreu i Qeverisë thotë se puna për realizimin e këtij objektivi në mandatin e tretë do të nisë me krijimin e një komiteti të përbashkët mes Qeverisë dhe universiteteve të vendit.
“Nisëm sot konsultimin me rektorët e universiteteve publike për ngjitjen e Arsimit të Lartë në një nivel tjetër dhe dakordësuam krijimin e Komitetit të Përbashkët për Politikat e Arsimit të Lartë”, tha Rama.
Në një takim me rektorët e universiteve, Rama u premtoi atyre bashkëpunim të ngushtë.
“Drejt Objektivit Strategjik të Hapjes së Dyerve të universiteteve tona për Universitetet Publike Europiane dhe krjimin e kushteve, që studentët tanë të mund të marrin në të ardhmen diploma europiane këtu, në Shqipëri”, thotë Kryeministri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje