.png)
Presidenti amerikan Joe Biden pritet që të njoftojë më vonë gjatë së enjtes lëshimin e një sasie rekord të naftës nga rezervat strategjike të SHBA-së, 180 mln fuçi në total. Lajmin e bën të ditur Shtëpia e Bardhë.
Sipas njoftimit, një milion fuçi do të lëshohen në treg në ditë nga rezervat amerikane për gjashtë muajt e ardhshëm. Administrata Biden shpreson qe më këtë masë të zvogëlojë rritjen e çmimeve të karburantit në vazhdën e pushtimit rus të Ukrainës.
Çmimet e naftës filluan të bien më herët gjatë ditës së sotme pas daljes së lajmit se SHBA po konsideronte të shfrytëzonte rezervat e saj të papërpunuara.
SHBA-ja konsumon rreth 20 mln fuçi naftë në ditë, sa 1/5 e kërkesës botërore të lëndës. Më vonë qeveria do të blejë përsëri naftë që të mbushë rezervën me çmim, 80 dollarë për fuçi./FT
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje