.png)
“Spanjollëve të moshës 18-35 vjeç duhet t’u ofrohet një bonus mujor për t’i ndihmuar ata të lënë shtëpinë e prindërve të tyre dhe të paguajnë qiranë”, ka propozuar kryeministri Pedro Sánchez.
Bonusi prej 250 € do të jepet deri në dy vjet dhe është pjesë e një pakete më të gjerë strehimi.
Një projektligj për qiranë gjithashtu do të vendosi kufijtë për çmimet e qirasë për pronarët e mëdhenj të pronave, veçanërisht në zonat ku qiraja është rritur vitet e fundit.
Në disa zona, të tilla si qytetet e mëdha të Madridit dhe Barcelonës, qiratë kanë qenë në rritje ndërsa të ardhurat kanë rënë me mbi 7% në vetëm një vit për shkak të pandemisë Covid-19.
Sipas planeve të kryeministrit, shpërblimi për të rinjtë do të kalojë nga autoritetet rajonale autonome të Spanjës tek personat nën 35 vjeç, të cilët fitojnë më pak se 23,725 € në vit. Ata do të vendosnin nëse do të shpërndahej për person ose për shtëpi me qira.
Synimi është që të rinjtë që lëvizin nga shtëpitë e prindërve të tyre, ta kenë më të lehtë të nisin një jetë të re.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje