.png)
Ministria e Financave thotë se aksioni i tatimeve në bizneset e Agron Dukës nuk ka lidhje me përplasjen mes vëllait të tij, Armand Duka me kryebashkiakun e Tiranës, Erion Veliaj.
Ministrja Delina Ibrahimaj deklaroi se aksioni ka qenë rastësi dhe tatimet kanë zbatuar procedurat ligjore pas disa denoncimeve që kanë marrë nga qytetarët.
“Tatimet funksionojnë në bazë të ligjeve dhe procedurave. Rasti në fjalë është rastësi që ka ndodhur në këtë moment, pas një denoncimi, pas disa denoncimesh që kanë ardhur. Administrata ka detyrimin që denoncimet t’i kryejë dhe përfundojë brenda afatit 7-ditor”, deklaroi ajo.
Ibrahimaj u pyet në daljen para gazetarëve në përfundim të mbledhjes së qeverisë këtë të mërkurë, nëse në këtë rast tatimet ishin përdorur politikisht.
Ministrja tha se subjektet e Agron Dukës ku është ushtruar kontrolli janë objekt kontrollesh të shpeshta, ashtu si subjekte të tjera sipërmarrëse si pjesë e objektivave, sipas saj, të uljes së informalitetit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje