.png)
Këtë të enjte përfundoi leje e qëndrimit si azilantë në Shqipëri për shtetasit afganë që u tërhoqën në vendin tonë pas marrjes së Kabulit nga talebanët.
Shqipëria shprehu gatishmërinë që të strehojë deri në 4 mijë refugjatë afganë përkohësisht derisa ata të tërhiqeshin nga SHBA, Kanadaja dhe vende të tjera të Perëndimit.
Por, kur ka kaluar një vit nga miratimi i VKM-së që i hapi rrugën strehimit të tyre në vendin tonë, në Shqipëri ka ende refugjatë afganë që janë të pasigurtë për të ardhmen e tyre.
Atyre, sipas VKM-së së vitit të kaluar u ka përfunduar leja e qëndrimit sot dhe po sot, Qeveria vendosi që ta zgjasë atë me 6 muaj të tjerë.
“Pas pikës 2, të vendimit nr.501, datë 25.8.2021, të Këshillit të Ministrave, shtohet pika 2/1, me këtë përmbajtje: 2/1. Me përfundimin e afatit të përcaktuar në pikën 2, të këtij vendimi, personave, që ndodhen ende në territorin e Republikës së Shqipërisë, u shtyhet qëndrimi dhe me 6 (gjashtë) muaj të tjerë.”, thuhet në vendimin e marrë nga Qeveria në mbledhjen e kësaj të enjteje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje