.png)
Gazeta Si – Të paktën 15 persona kanë humbur jetën dhe 30 të tjerë, përfshirë një djalë nëntë vjeçar, janë bllokuar nën rrënojat e një ndërtese banimi në Chasiv Yar – në rajonin Donetsk të Ukrainës lindore – pas një bombardimi nga forcat ruse me raketa “Uragani”.
Lajmi u njoftua nga presidenti i administratës ushtarake rajonale Pavel Kirilenko, sipas raporteve nga UNIAN.
Ndërkohë Rusia po përgatitet për një ofensivë të gjerë mbi të gjithë territorin e Ukrainës.
Ndërsa Shtetet e Bashkuara i kërkuan Kinës të rreshtohej me Perëndimin për të kundërshtuar pushtimin pas një takimi të keq të G20.
Një sulm me raketa në qytetin verilindor të Kharkivit plagosi tre civilë, tha guvernatori i tij, megjithëse sulmet kryesore të Rusisë u përqendruan në juglindje të qytetit në Luhansk dhe Donetsk.
Ministria e Mbrojtjes e Britanisë tha se Moska po grumbullonte forca rezervë nga e gjithë Rusia pranë Ukrainës.
Presidenti i Ukrainës, Volodymyr Zelensky, tha se ushtria ruse kishte shënjestruar civilët me qëllim.
Zelensky gjithashtu shkarkoi disa nga të dërguarit e lartë të Kievit jashtë vendit, duke thënë se kjo ishte pjesë e “praktikës normale diplomatike”.
Ai tha se do të emërojë ambasadorë të rinj në Gjermani, Indi, Republikën Çeke, Norvegji dhe Hungari.
Zelensky u ka kërkuar diplomatëve të tij që të grumbullojnë mbështetjen ndërkombëtare dhe armët e nivelit të lartë për të ngadalësuar përparimin e Rusisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje