.png)
Gazeta Si – Të paktën 22 të vdekur, duke përfshirë një fëmijë të vogël dhe 6 të plagosur është bilanci – ende i përkohshëm – i sulmit me raketa ruse në qytetin qendror të Ukrainës Vinnytsia.
Kreu i Policisë Kombëtare të Ukrainës Ihor Klymenko konfirmoi sulmin rus në Vinnytsia, duke raportuar në Telegram se “një ndërtesë me zyra, shtëpi oficerësh dhe, shtëpi civile u goditën. U lëshuan tre raketa. Sipas të dhënave fillestare, bilanci është 22 të vdekur, mes të cilëve një fëmijë i vogël dhe gjashtë të plagosur. Si pasojë e sulmit ka shpërthyer zjarri, i cili është përhapur edhe në parking, duke i vënë flakën rreth 50 makinave. Brigada po punon në vendngjarje”.
While Accountability Conference in The Hague is underway led by @WBHoekstra, Russia commits another war crime. At least one child killed, among other victims of a missile strike on Vinnytsia. We will put Russian war criminals on trial for every drop of Ukrainian blood and tears. pic.twitter.com/hvjNt0U5OM
— Dmytro Kuleba (@DmytroKuleba) July 14, 2022
Presidenti Zelenskij raporton gjithashtu në Telegram sulmin në Vinnytsia, “në qendër të qytetit”, ku “ka të vdekur dhe të plagosur, mes tyre një fëmijë i vogël”, duke shtuar: “Rusia çdo ditë shkatërron popullsinë civile, vret fëmijë ukrainas, lëshon raketa në objektiva civile. Aty ku nuk ka asgjë ushtarake. Për çfarë bëhet fjalë, nëse jo një akt i dukshëm terrorist. Çnjerëzore! Një vend vrasës. Një vend terrorist”.
Ndërkohë, forcat ruse bënë një përpjekje të re gjatë natës për të sulmuar Ishullin strategjik të Gjarpërinjve në Detin e Zi.
Por bombat e hedhura nga avionët ranë në det. Rrethana raportohet nga një përditësim i komandës operacionale jugore të Ukrainës.
Këshilltari presidencial ukrainas, Anton Herashchenko, më pas shpjegoi se sulmi u krye nga “një njësi luftarakë Su-27”.
Disa ditë më parë, Rusia u largua nga ishulli i Gjarpërinjve në një lëvizje që e quajti si vullnet të mirë për të mos i lënë justifikim Ukrainës për bllokimin e eksportit të drithërave.
Ndërkohë që Kievi zyrtar deklaroi se rusët u larguan vetëm falë ndërhyrjes së ushtrisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje