.png)
Lulzim Basha dhe Edi Rama e nisën të enjten aty ku mbyllën ditën e mërkurë; me përplasjet në distancë mbi menaxhimin e pandemisë dhe situatën ekonomike të vendit.
Kreu i PD-së publikoi në rrjetet sociale një video të shkëputur nga takimi që pati me familjarë dhe persona të prekur dhe që e kanë kaluar Covid 19. Videon e shoqëron me shënimin se shëndetësia e Edi Ramës është në kolaps.
Rama reagoi po përmes rrjeteve sociale, duke akuzuar Bashën se po shfrytëzon pandeminë për përfitime elektorale.
Basha u kundërpërgjigj duke e cilësuar propagandë false të Edi Ramës.
Kreu i PD foli për sulme politike dhe përpjekje të Edi Ramës që t’i mbyllë gojën opozitës që të mos denoncojë situatën e Covid.
Në takimin me personat e prekur nga Covid, Basha akuzoi Kryeministrin se fshihej pas komitetit të ekspertëve. Rama iu kundërpërgjigj se pas komiteteve fshihej kreu i PD-së.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje