.png)
Edi Rama do të udhëtojë ditën e diel drejt Nju Jorkut për të marrë pjesë në punimet e Asamblesë së Përgjithshme të Organizatës së Kombeve të Bashkuara, si Kryeministër i sapo betuar i Shqipërisë në mandatin e 3-të të tij.
Pas dekretimit të Presidentit Ilir Meta të përbërjes së kabinetit të ri qeveritar, me 16 ministri, Kuvendi do të mblidhet të enjten në orën 10:00. Pas prezantimit të kabinetit qeveritar dhe programit qeverisës 4-vjeçar, deputetët do të votojnë për miratimin e saj.
Pas votës në Parlament, hapi i fundit që përmbyll të gjithë procesin e marrjes së detyrës është betimi i Ramës dhe ministrave të rinj të kabinetit qeveritar para Presidentit Ilir Meta.
Ceremonia e betimit parashikohet që të organizohet para se Rama të udhëtojë për në Nju Jork, pra më së largëti ditën e shtunë dhe më së afërmi direkt pas marrjes së votëbesimit në Kuvend, të enjten.
Punimet e Asamblesë shfrytëzohen nga udhëheqësit e vendeve në zhvillim, si Shqipëria që të mbajnë takime për të çuar përpara projekte, apo ide investimesh dhe siç duket, Edi Rama nuk do të shkojë në Nju Jork me statusin e kryeministrit në detyrë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje