.png)
Lidhur me protestën masive të studentëve prej tri ditësh për tarifat universitare ka reaguar kryeministri Rama nga “Facebook” në rubrikën “Përgjigjja ime”. Kreu i qeverisë ka kërkuar të takojë një përfaqësi studentësh që të zgjidhet nga vetë studentët për t’i dëgjuar për kërkesat e tyre.
“Shqetësimi adresohet përmes dialogut. Dua që ta dinë se kam shumë për t’u thënë, por patjetër kam dëshirë t’i takoj ballë për ballë pa administratorë, pa pedagogë. Zgjidhini ju përfaqësuesit. Dua t’ju takoj. Ky vend e ka fituar prej 5 vitesh lirinë plotë të protestës pa rrezik për plumbat. Protesta e ka pasur të garantuar pacenueshmërinë e statusit të saj. Po të mund të zgjidhja dot sot do të doja të isha dhe njëherë studentë protestues jo kryeministër në zyrë”, është shprehur kreu i qeverisë.
Por, menjëherë pas daljes së kryeministrit në “Facebook”, studentët i kanë kthyer përgjigje në kor, shkurt dhe të vendosur: “Nuk ka negociata!”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje