.png)
Eksperti i ekonomisë, Besart Kadia do të jetë pjesë e qeverisë “Rama”. Ai është emëruar zv/ministër i Ekonomisë dhe Financave.
Besart Kadia është një nga 24 koordinatorët që Lulzim Basha prezantoi në vitin 2014 si pjesë e stafit të tij këshillues.
Megjithatë emri i tij nuk u përfshi në listat e kandidatëve për deputet nga Lulzim Basha në zgjedhjet e 2017-ës.
Kadia ka qenë edhe anëtar i Këshillit Kombëtar dhe sekretar për sipërmarrjen e lirë në PD, ku në disa dalje publike të tij ai ka kundërshtuar edhe mënyrën se si PD-ja në qendër ishte organizuar konkretisht duke folur për pakënaqësi të tij lidhur me departamentet të cilat ai i konsideronte të panevojshme.
Prej kohësh, Kadia ishte shkëputur nga PD-ja dhe mëtonte të krijonte një forcë të re politike të djathtë.
Emërimi i tij si zv-ministër në kabinetin “Rama” duket si një vendim i papritur dhe po aq edhe pranimi nga ana e tij e një detyrë të tillë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje