.png)
Kryeministri Edi Rama ka vizituar në Berat fabrikën “Gjedra”, që merret me bimët medicinale. Një fabrikë ka 60 punëtorë, ndërsa 2700 fermerë angazhohen me mbledhjen dhe përpunimin e bimëve medicinale. Gjatë kësaj vizite, Kryeministri Rama theksoi se qeveria ka vullnetin e mirë të mbështesë sipërmarrësit në idetë dhe strategjitë e tyre novatore. Por ai u shpreh se më parë duhen kopsitur mirë dokumentet dhe projektet nga sipërmarrësit, sepse nuk ka para për të hedhur kot:
“Kemi gjithë vullnetin dhe mundësitë e reja janë të jashtëzakonshme, sepse bëhet fjalë për një volum fondesh shumë të madh, por, siç e kemi mësuar nga jeta me perëndimin, ku ti eksporton, duhen letrat mirë të kopsitura, idetë e qarta, strategjia e qartë dhe në fund paratë janë. Por para “hajde se po i hedhim”, s’ka,” – iu drejtua Kryeministri Rama pronarit të fabrikës.
Sipërmarrësi i fabrikës “Gjedra” ka pohuar se lehtësitë fiskale në vitet e fundit e kanë ndihmuar për përmirësimin e biznesit të tij: “Kemi rreth 25 vjet që punojmë me eksportimin e bimëve medicinale. Punojmë me të gjithë Europën dhe me Amerikën prej kaq vitesh. Eksportojmë rreth 800 ton sherebelë. Kemi 60 punëtorë dhe gjysma e tyre punojnë këtu prej 25 vitesh, por kemi edhe rreth 2700 fermerë të trajnuar për mbledhjen e rigonit, sherebelit, trumzës, etj. Mund të shtojmë 60 punëtorë të tjerë, sepse do të shtojmë edhe frutat. Duhet të bëjmë investime që të zgjerojmë hapësirat”, – tha sipërmarrësi i fabrikës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje