.png)
Kryeministri Edi Rama kërkoi mbështetjen e fermerëve më 25 prill duke deklaruar se asnjë Qeveri në të shkuarën nuk ka bërë për ta aq sa kanë bërë dy qeveritë e tij nga 2013-ta.
“Për këtë mjafton t’u sjell dy shifra dhe dy fakte qe mbase kurrë nuk do të dalin në televizor, që janë dy shifra që tregojnë se ne jemi në drejtimin e duhur dhe se kemi vendosur bazat e forta të një transformimi që vazhdon”, deklaroi ai.
Rama foli para fermerëve në Rrogozhinë. Dy shifrave që iu referuan lidheshin me sipërfaqen e tokës së punuar dhe deficiti tregtar për produktet bujqësore.
“Në këto 7 vite e ca kemi dyfishuar sipërfaqen e tokës që punohet. Kur kemi marrë detyrën e kemi gjetur afër 125 mijë ha tokë, sot punohet 250 mijë ha dhe ka ende sipërfaqe për t’u mbuluar me punë. Shqipëria importonte 7 dhe eksportonte 1, sot importon vetëm 3 dhe eksporton 1. Rënia e importit të prodhimeve bujqësore lidhet drejtpërdrejtë me rritjen e prodhimit këtu në vend dhe rritjen e pranisë në tregun vendas. janë rritur eksportet dhe do të vazhdojnë të rriten”, tha Kryeministri.
Kryesocialisti u tha fermerëve se shteti ka qenë gjithmonë në krah të tyre pas 2013-ës dhe si shembull solli shndërrimin e Agjencisë së Zhvillimit të Zonave Rurale.
“Shteti ka qenë në krahun tuaj me skemat kombëtare dhe mbështetjet nga fondet e BE. Kur kemi marrë detyrën ishim të fundit në rajon për thithjen e fondeve të BE, sot jemi të parët në Ballkan për thithjen e këtyre fondeve, sepse kemi ngritur një agjenci europiane, siç është AZHBR”, u shpreh ai.
Rama tha se opozita që kërkon të rikthehet në pushtet është antishteti, rrumpalla, paaftësia dhe dëmi që i rri gjithmonë si kërcënim mbi kokë vendit.
“Nuk kanë bërë një punë të hajrit sa herë që e kanë marrë detyrën”, u shpreh ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje