.png)
Kryeministri Edi Rama ndodhet në Itali, në kudër të vizitës dy ditore për 30-vjetorin e eksodit të shqiptarëve të marsit 1991. Rama ka zbritur në Bari, ku është pritur nga Ministri i Jashtëm, Luigi Di Maio dhe kryetari i Bashkisë, Michele Emiliano.
Po në Aeroport Itali, kryeministri Rama zhvilloi një konferencë për shtyp me Ministrin e Jashtëm Italian, Luigi Di Maio dhe Presidentin e Rajonit të Pulias, Michele Emiliano.
Gjatë konferencës Ministri i Jashtëm i Italisë Luigi Di Maio, tha se Italia po bën gjithcka që Bashkimi Evropian të hapë negociatat me Shqipërinë brenda vitit.
“Evropa duhet të tregohet në lartësinë e aspiratave të shqiptarëve”, tha ai.
Nga ana e tij, Kreu i qeverisë shqiptare u ndal tek një çështje me rëndësi për emigrantët, siç është njohja e patentave nga pala italiane.
“Ambasadori do të më falë për këtë thyerje të protokollit dua të shfrytëzoj këtë mundësi për t’i thënë Luigit të kujdeset për patentat e shqiptarëve në Itali, pasi kanë ngecur në korridoret e burokracisë italiane dhe duhet ta zgjidhë këtë ngërç”, i kërkoi Rama kryediplomatit italian.
Në kuadër të 30-vjetorit të eksodit masiv të shqiptarëve në Itali, Rama ndodhet në Pulia, aty ku do të mbahet një sesion i jashtëzakonshëm në Këshillin e Qarkut.
Kryeministri Rama do të marrë pjesë edhe në inaugurimin e ekspozitës “Eksodi”, e krijuar nga Nicola Genco, ngritur në Agora të Ndërtesës së Këshillit Rajonal, aty ku do të ketë dhe një performancë të violonçelit Redi Hasa.
Ekspozita “Shokë dhe Engjëj” e kuruar nga Alfredo Pirri është vendosur në të njëjtat hapësira.
Kryeministri shoqërohet nga Ministri i Shtetit për Rindërtimin Arben Ahmetaj, Ministrja e Shëndetësisë Ogerta Manastirliun, ministrja e Arsimit Evis Kushi, dhe deputeti Fate Velaj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje