.png)
Në takimin e dytë të zhvilluar në kuadër të dëgjesave me qytetarët për procesin e rindërtimit, Kryeministri Edi Rama akuzoi opozitën se po përpiqet që të përhapë panik përmes asaj që e quan “infodemi” për koronavirusin.
Nga Shijaku, Rama komentoi audo-përgjimin e publikuar nga Partia Demokratike, ku drejtorja e një qendrë shëndetësore në Tiranë ngre shqetësimin për mungesën e masave mbrojtëse, alkoolit dhe dizinfektantëve në këtë qendër.
Rama e pranoi se ka probleme sporadike. “Por, ky nuk është realiteti”, tha ai.
“Të mos u referohemi përpjekjeve, apo produkteve të papërgjegjshmërisë së mediave, apo episodet e turpshme, skandaloze si ai episodi jo ka alkool, jo s’ka alkool. Janë një papërgjegjëshmëri e madhe që nuk ka të bëjë fare me realitetin e përgjithshëm”, vijoi Kryeministri.
Kryeministri hodhi poshtë si lajme të rreme edhe pretendimet se Shqipëria është prekur nga koronavirusi, por autoritetet po e mbajnë të fshehtë. Rama shpjegoi se përse nuk mund të mbahet e fshehtë, nëse do të kishte raste.
“Është e pamundur fshehja e rasteve, sepse jemi pjesë e rrjetit të Organizatës Botërore të Shëndetësisë. Ajo kurrë mos ardhtë, por nëse vjen ne do ta përballojmë”, u shpreh ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje