.png)
Kryeministri Edi Rama zbuloi temat e diskutimit prej rreth 60 minutash me ndihmës sekretaren e Shtetit, Karen Donfried.
Në këtë diskutim, sipas Ramës, është konfirmuar mbështetja amerikane për Ballkanin e Hapur.
“Diskutuam gjerësisht për ecurinë pozitive të reformave, forcimin e drejtësisë, investimet strategjike në energji, veton e Bullgarisë ndaj Maqedonisë së Veriut, situatën në rajon, si edhe për mbështetjen e plotë që Shtetet e Bashkuara i japin Ballkanit të Hapur”, tha Rama.
Kryeministri tha se në këtë bisedë kishte marrë konsideratat më të larta nga ndihmës sekretarja për rolin e Shqipërisë në Këshillin e Sigurimit dhe në rajonin tonë.
Pas Ramës, zyrtarja amerikane u takua me tre deputetët e Partisë Demokratike, Enkelejd Alibeaj, Jorida Tabakun dhe Gazment Bardhin. Takimi me deputetët e opozitës zgjati rreth 80 minuta. Në përfundim të tij, Enkelejd Alibeaj tha se kishte folur për sfidat e Shqipërisë në luftën kundër korrupsionit dhe shtetit ligjor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje