.png)
Nga Gazeta Si – Piramida e Tiranës po merr formën e saj për t’u shndërruar në qendrën më të madhe të teknologjisë në Ballkan. Kështu shkruan kryeministri Edi Rama, teksa ka publikuar disa foto nga punimet brenda dhe jashtë saj mëngjesin e kësaj tw shtune.
“Mirëmëngjes dhe nga Piramida e Tiranës, e cila po merr formë hap pas hapi, për t’u shndërruar në qendrën më të madhe të teknologjisë digjitale në Ballkan, ju uroj një fundjavë të mbarë”, shkruan Rama.
Më shumë se një vit më parë nisi projekti për rijetëzimin e Piramidës. Kryeministri Edi Rama theksoi në atë kohë se kjo godinë, e cila u ndërtua për përjetësimin e lavdisë së komunizmit, në vitet që erdhën degradoi në kioskëzim dhe në simbol të “tokës së xanun”, por do të kthehet në hapësirë ekstreme lirie në botën e universit digjital.
Sipas tij ky është një nga projektet më të vështira që ka marrë shumë kohë për të jetëzuar harmonizimin midis së shkuarës dhe së ardhmes, përmes një ndërhyrjeje në të tashmen.
Projekti synon të krijojë simbolin e ri për Tiranën, ku ndërtesa të jetë e arritshme nga të gjitha anët. Piramida do të shërbejë si një lloj inkubatori për bizneset në fushën e inovacionit, artit dhe kreativitetit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje