.png)
Bajram Begaj e ka pranuar propozimin e socialistëve që të jetë Presidenti i ri i vendit. Pas vendimit të Kryesisë së PS-së, Edi Rama ka komunikuar në telefon me të, ku ka marrë miratimin.
Më pas, Rama ka organizuar me Begajn në Kryeministri një takim, që e quan informues.
Në këtë takim, Bajram Begaj zotohet se do të jetë në lartësinë që e kërkon detyra, ndërsa Kryeministri shpreh bindjen se do “t’i rikthejë institucionit të Presidentit integritetin”.
Me marrjen e ‘bekimit’ nga Rama dhe socialistët, dy janë pengesat që ka përpara se të hyjë në zyrën e Ilir Metës, Bajram Begaj. E para është besimi nga i gjithë grupi parlamentar i PS-së dhe votimi në seancën plenare të orës 18:00 dhe i dyti shkarkimi nga posti i Shefit të Shtabit të Përgjithshëm të Forcave të Armatosura.
Sipas Kushtetutës, shkarkimin e bën Presidenti me propozim të Ministrit të Mbrojtjes dhe Kryeministrit. Kjo do të thotë se Rama do t’i çojë Metës kërkesën për të shkarkuar nga posti i shefit të Shtabit Bajram Begajn për ta votuar atë si President.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje