.png)
Kryeministri Edi Rama shpërfill akuzat e përforcuara të Partisë Demokratike pas skandalit të publikimit të të dhënave të ndjeshme të qytetarëve, përfshirë këtu edhe rrogat, ndërsa pjesa e PD rreshtuar me Lulzim Bashën e akuzon për afera korruptive me incineratorët dhe pjesa e rreshtuar me Berishën për Ballkanin e Hapur dhe afrimin me Aleksandër Vuçiç.
“S’kam ndërmend të merrem as me kufomat gratanongrata, as me dordolecët e papagallët grata e vinci (gërvisht e fito) që kanë hyrë në një vorbull marrëzie qesharake bravash, dyersh, kanalesh e portalesh, kinse po duan kush e kush të luftojë më fort regjimin, korrupsionin, vuqiqin!”, thotë Rama.
Rama nxit drejtësinë që të hetojë, ndërsa thotë se revolucioni digjital do të reduktojë ndjeshëm korrupsionin.
“Jam i inkurajuar që drejtësia e re po jep sinjale të qarta pa dallim ngjyrash, ekonomia po vijon ringjitjen pas pandemisë, sporteleve po u vjen fundi bashkë me vitin në ikje dhe më e mira është e gjitha përpara, duan s’duan humbësit fitimtarë të kuvendeve demokratike e mediatike!”, shkruan ai.
Në fund, Rama njofton një vendim që do të merret nga qeveria ditën e enjte.
“Vendosim në qeveri Konsultimin e madh Kombëtar me shqiptarët për vendime të rëndësishme të vitit që po vjen dhe le ta dëgjojmë sa më shumë njëri-tjetrin,jashtë llogoreve të ngushta partiake e llogjeve të mëdha provinciale!Ata s’kanë ç’humbin më ne s’kemi kohë për të humbur!”, thotë ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje