.png)
Kryeministri Edi Rama zhvilloi një takim në Bruksel me presidenten e Komisionit Europian, Ursula von der Leyen.
Gjatë takimit u diskutua për procesin e anëtarësimit të Shqipërisë në Bashkimin Europian.
Përmes një postimi në Twitter, von der Leyen njofton se ka diskutuar me Ramën progresin që Shqipëria ka bërë në rrugën e integrimit dhe planin që BE ka për rritjen dhe zhvillimin e Ballkanit Perëndimor.
“Diskutuam progresin në rrugën e anëtarësimit të Shqipërisë në BE dhe planin tonë të ri të rritjes për Ballkanin Perëndimor. Kjo do të afrojë rajonin dhe BE-në dhe do të nxisë prosperitetin e partnerëve tanë…”, shkruan ajo
Plani i paraqitur nga Von der Leyen do të bazohet në katër shtylla; ”afrimi i Ballkanit Perëndimor me tregun unik të BE-së”, “integrimi ekonomik rajonal”, ”përshpejtimi i reformave kyçe” dhe ”rritja e fondeve të paraanëtarësimit”.
Një ditë më parë, (të hënën) Rama zhvilloi një takim me presidentin e Këshillit Europian, Charles Michel, ku në fokus ishin zhvillimet në veri të Kosovës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje