.png)
Kryeministri Edi Rama tha se i qëndron vendimit dhe procedurave të miratuar në mbledhjen e Qeverisë më 17 dhjetor 2014, që opozita thotë se janë kryer me shpejtësi 17 procedura.
“Këtu (në komisionin hetimor) janë zbardhur si mos më mirë e gjithë rruga ligjore e miratimit të vendimit. I qëndroj pikë për pikë të gjithë atij vendimi të Qeverisë”, tha Rama.
Rama tha se buxheti i shtetit ka financuar incineratorët në Elbasan dhe Fier, dhe jo atë të Tiranës
Kryeministri u shpreh se nga pikëpamja e përgjegjësisë individuale përpara ligjit, për të cilat drejtësia identifikon shkelje është diçka personale që i takon gjithsecilit.
“Kjo nuk është pjesë e vendimmarrjes së Qeverisë dhe ministri i Mjedisit nuk ka shkuar para drejtësisë prej VKM-së”, vijoi Rama.
Kreu i Qeverisë tha se në Tiranë, Fier dhe Elbasan nuk janë ngritur dhe as do të ngrihen vetëm incineratorët.
“Ne nuk kemi ndërtuar vetëm incineratorë, kemi ndërtuar impiante për trajtimin e integruar të mbetjeve dhe incineratorët janë hallkë e parafundit e trajtimit të integruar të mbetjeve, që prodhojnë edhe energji”, u shpreh ai.
Rama pranoi se BE ka ngritur shqetësim kundër incinerimit si zgjedhja e fundit, por jo se është kundër këtij procesi.
“Në Shqipëri ndarja në burim e mbeturinave dhe riciklimi janë në nivele të ulta. Incineratorët janë aty edhe në vendet më të zhvilluara dhe ndërtohen çdo ditë për të prodhuar energji”, tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje