.png)
Kryeministri Edi Rama i quajti “tufë barbarësh që meritojnë të kalben pas hekurave” personat e arrestuar nga Policia gjatë kësaj vere me akuzën e zjarrvënies.
“Nuk mund të rri pa theksuar aspektin kriminal të këtyre vatrave të zjarrit, që në një pjesë të madhe janë rezultat i rritjes së temperaturave dhe barbarisë së atyre që vrasin shpirtin e atdheut, plagosin trupin e atdheut dhe hedhin në erë mundimet, përkushtimin e shumë gjeneratave. Tufë barbarësh! Ata nuk meritojnë të jenë të lirë, por të kalben prapa hekurave”, tha Rama gjatë në takimi me emergjencat civile dhe forcat e armatosura që u angazhuan këtë verë në shuarjen e flakëve.
Kreu i Qeverisë madje pati edhe një kërkesë drejtuar gjykatësve.
“Shpresoj që gjykatat të japin vendimet e duhura dhe gjykatësit të jenë në lartësinë e dhimbjes për vlera natyrore të dëmtuara. Këto nuk janë pasuria e askujt por e të gjithëve bashkë. Është një vendim që do japin për fëmijët e tyre. Uroj që këta kriminelë barbarë jo vetëm të kalben në burg, por të japin një mesazh për të tjerët të ngjashë për kur të vijë vera e ardhshme”, shtoi Rama.
Në këtë takim, Rama falenderoi Ambasadoren Yuri Kim dhe Ambasadorin Luigi Soreca për mbështetjen e ofruar në përballimin e emergjencës së zjarreve, ndërsa njoftoi edhe planin e qeverisë për të rritur mbështetjen financiare për punonjësit e emergjencave civile.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje