.png)
Gazeta Si – “Pandemia Covid 19 ka shumë të ngjarë të ketë lindur nga një rrjedhje laboratorike”. Ky është përfundimi i një raporti të Departamentit Amerikan të Energjisë, sipas asaj që raporton ekskluzivisht gazeta “Wall Street Journal”.
Më parë, departamenti tha se ishte e pasigurt se si ishte zhvilluar virusi. Edhe FBI-ja ka pohuar gjithmonë se Covid ishte rezultat i një incidenti në laboratorin e Wuhan në Kinë.
Konkluzioni, sipas një raporti të fshehtë të inteligjencës të ofruar së fundmi në Shtëpinë e Bardhë dhe anëtarëve të zgjedhur të Kongresit, përmbahet në një përditësim të një dokumenti të vitit 2021 nga Zyra e Drejtorit të Inteligjencës Kombëtare, Avril Haines.
Sipas burimeve të inteligjencës amerikane të intervistuar nga “Wall Street Journal”, pozicioni i departamentit ndryshoi, pasi u shfaqën “informacione të reja të inteligjencës, studime kërkimore dhe konsultime me ekspertë joqeveritarë”.
Mospërfilljet e “Wall Street Journal”, megjithatë, u pasuan nga një sqarim i kujdesshëm nga administrata Biden.
“Për momentin nuk ka asnjë përgjigje përfundimtare për origjinën” e Covid, tha Këshilltari i Sigurisë Kombëtare, Jake Sullivan në një intervistë për CNN.
Zyrtari i lartë, shpjegoi se, “Presidenti Biden ka urdhëruar në mënyrë të përsëritur çdo agjenci të inteligjencës amerikane që të bëjë përpjekjet dhe burimet maksimale për t’i dhënë fund çështjes”.
“Presidenti ka kërkuar në mënyrë specifike që laboratorët kombëtarë, të cilët janë pjesë e Departamentit të Energjisë, të përfshihen në këtë analizë, sepse ai dëshiron të përdorë çdo mjet për të ditur se çfarë ka ndodhur”, shtoi zyrtari.
“Nëse marrim informacione të reja, do ta ndajmë atë me Kongresin dhe popullin amerikan. Por tani për tani, nuk ka një përgjigje përfundimtare”, – tha Sullivan.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje