.png)
Kryetari i Grupit Parlamentar të Partisë Socialiste Taulant Balla pati një komunikim me eurodeputetin Tonino Picula lidhur me raportin e miratuar për Ballkanin Perëndimor në PE.
Balla dha një qëndrim të përgjithshëm, duke folur edhe për disa qëndrime të ndryshme që kish pasur gjatë hartimit të raportit.
“Dokumenti i Parlamentit Evropian evidenton me meritë suksesin e Presidencës kroate për të rikthyer dinamizmin në marrëdhëniet me Ballkanin Perëndimor dhe në këtë aspekt vendimi i marrë për hapjen e negociatave të anëtarësimit me Shqipërinë dhe Maqedoninë e Veriut merr vëmendjen e veçantë, si një nga arritjet më të prekshme dhe domethënëse gjatë kësaj Presidence.
Megjithëse kjo nuk është një rezolutë specifike për Shqipërinë, përshëndes njohjen e rëndësisë që ka vendimi për negociatat që sikurse evidentohet në raport, ndonëse i vonuar është i mirëpritur edhe nga Parlamenti Europian. Po ashtu edhe njohja e progresit të Shqipërisë në marrjen e këtij vendimi të merituar, na shton përgjegjësinë për të mos kursyer asnjë përpjekje për t’u ulur sa më parë në tryezën e bisedimeve”, shkruan Balla.
Kreu i grupit parlamentar i PS-së nënvizon se gjatë procesit të negocimit të rezolutës, ka pasur edhe qëndrime të ndryshme me atë të reporterit.
“Një nga këto amendamente, e propozuar nga grupi i partive popullore, që ka marrë mbështetje në një numër pak më të madh se gjysma e deputetëve të PE, i referohet dhe interpretimit të elementëve të vendimit të Këshillit për zhvillimin e Konferencës së Parë Ndërqeveritare.
Me gjithë angazhimin tonë për të adresuar këto elementë dhe përtej detyrës së plotësimit të kushteve në Bruksel, nxitja politike e debatit nuk i shërben vendit”, shkruan ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje