.png)
Jokohamas, klubit japonez të kategorisë së dytë, nuk do t’i mungojë përvoja në sulm sezonin e ardhshëm. Kjo është e sigurt. Shunsuke Nakamura, një emër i njohur që ka luajtur në Itali me Rexhinën dhe në Skoci me Selltikun, ka firmosur një kontratë që e lidh me këtë klub për një sezon. Një lajm që ka bërë bujë, sepse ai është 41 vjeç, por në fakt është ende i ri…
I ri, sepse Nakamura nuk është lojtari më i vjetër i skuadrës. Është dikush tjetër që e kalon dhe qëndron në krahun e djathtë të tij. Emri i tij është Kazuioshi Miura. Është sulmues edhe ai dhe është 52 vjeç. Miura është futbollisti më i vjetër në moshë në histori që zbret në fushë për një ndeshje profesionistësh. Në janar ka firmosur rinovimin e kontratës me Jokohamën.
Këtë sezon, që është i 34-i në karrierë, ka luajtur në dy ndeshje. Nëse trajneri vendos që të hedhë në fushë në të njëjtën kohë Miurën dhe Nakamurën, do të vendoset një rekord: dyshja e sulmit me moshën më të madhe në historinë e futbollit, 93 vjeç!
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje