.png)
Gjatë natës ka pasur reshje intensive bore gati në të gjithë territorin shqiptar. Për pasojë është vështirësuar ndjeshëm qarkullimi i automjeteve.
Në Rajonin Jugor
Gjatë natës ka pasur reshje bore me intensitet të lartë në Qarkun e Korçës. Që në orët e para të mëngjesit është punuar dhe vazhdon të punohet për pastrimin dhe shpërndarjen e kripës, por qarkullimi kryhet me zinxhirë në akset e mëposhtme: Në rrugët e Dardhës, Voskopojës, Dogana Gorricë etj. Volare-Erind-Çajup. Aksi kryesor Qafë Thanë-Pogradec-Korçë-Kapshticë qarkullohet pa zinxhirë.
Pa zinxhirë qarkullohet në akset e tjera të këtij rajonit të Vlorës si: Dukat-Llogara, Muzinë-Syri i Kaltër, -Tepelenë-Dorez-Qafë Dushk-Sevaster-Kalivac, Tepelenë-Gjirokastër-Kakavijë. Në Qarkun e Fierit qarkullimi rekomandohet me kujdes për shkak të lagështirës në rrugë.
Në Rajonin Verior
Gjatë natës ka pasur reshje bore me intensitet të lartë. Trashësia e dëborës është rreth 50 cm në zonat e thella të Shkodrës. Akset janë pastruar dhe kriposur. Për shkak të vazhdimit të reshjeve dhe temperaturave të ulëta, akset qarkullohen me zinxhirë.
Të gjitha akset e mëposhtme rekomandohen të qarkullohen me zinxhirë.
Rruga Koplik-Bogë, Dedaj-Razëm, Qafë Mali-Fierzë, Qafë Lac -Koman, Ura Matit-Rrëshen, Shpal-Ura e Repsit, Ura Kukës-Krumë dhe Plepa-Kam.
Akset rrugore të Peshkopisë trashësia e dëborës rreth 60 cm. Ndërkohë në Bajram Curri-Tropojë-Bucaj trashësia e dëborës shkon rreth 70 cm. Me zinxhirë qarkullohet në akset Peshkopi – Qafë Draje, Peshkopi-Ushtelencë, Trebisht-Doganë, Ura Cerenecit-Steblevë dhe Trebisht-Doganë
Në Rajonin Qendror
Gjatë natës temperaturat kanë qenë të ulëta dhe ka pasur reshje bore. Është punuar nga kontraktorët për pastrimin dhe shpërndarjen e kripës. Të gjitha akset e mëposhtme qarkullohen me zinxhirë. Akset e Dajtit dhe Krujë-Sarisalltik Në akset e tjera të këtij rajoni qarkullimi kryhet normalisht pa zinxhirë. Në Tiranë ka reshje shiu dhe mjegull.
ARRSH u bën apel përdoruesve të rrugës që të bëjnë kujdes dhe të përdorin gomat e dimrit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje