.png)
Komiteti Shtetëror i Zgjedhjeve mbajti këtë të enjte mbledhjen e radhës në kuadër të organizimit të zgjedhjeve të përgjithshme të 25 prillit.
Pas shortit të hedhur në KSHZ u vendos që Partia Demokratike të propozojë anëtarin e shtatë të Komisioneve Zonale të Administrimit të Zgjedhjeve me numër tek, ndërsa Partia Socialiste tek ato me numër çift.
Gjithashtu në mbledhjen e KSHZ u miratua dhe formati i vulave që do të kenë në dispozicion KZAZ-të dhe KQV-të në zgjedhjet e 25 prillit si dhe shenjat dalluese të logjistikës zgjedhore.
“Komisioneri shqyrtoi edhe aktet “Për miratimin e formatit dhe specifikimeve të vulës të KZAZ, të vulës së KQV, vulës së kryetarit të KQV dhe të vulës rezervë të KQV, për zgjedhjet për Kuvendin e Shqipërisë të datës 25 prill 2021” si dhe “Për miratimin e modeleve dhe specifikimeve të shenjave dalluese të logjistikës zgjedhore për zgjedhjet për Kuvendin e Shqipërisë të datës 25 prill 2021”, thuhet ndër të tjera në njoftim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje