.png)
Në Shtetet e Bashkuara të Amerikës, rastet mesatare ditore të Covid-19 i kanë kaluar 100 mijë, duke u kthyer në nivelet e prekura nga vala e dimrit. Infeksionet dhe shtrimet në spital u rritën ndjeshëm në korrik, të nxitura nga varianti Delta.
Virusi përhapet shpejt në mesin e popullatës së pavaksinuar, veçanërisht në Jug, aq sa presidenti Joe Biden flet për një “pandemi të të pavaksinuarve”.
Situata në Jug Në Misisippi, shteti me shkallën më të ulët të vaksinimit kundër Covid në Shtetet e Bashkuara (më pak se 35% e popullsisë është imunizuar plotësisht), shtretërit në spitale për njerëzit e sëmurë rëndë po mbarojnë.
Jonathan Wilson, drejtor administrativ në Qendrën Mjekësore të Universitetit të Mississippi, vuri në dukje se deri më tani ka vetëm gjashtë shtretër në dispozicion në të gjithë shtetin në kujdes intensiv (jo vetëm për të sëmurët rëndë nga Covid, por edhe për ata që vuajnë nga probleme shëndetësore “tradicionale”, të tilla si sulmet në zemër dhe goditjet në tru).
Situata është gjithashtu komplekse në Arkansasin fqinj (ku 42% e popullsisë është plotësisht e vaksinuar): mbeten 25 shtretër në spitale në të gjithë shtetin.
Në fund të qershorit, numri mesatar i rasteve në ditë ishte rreth 11 mijë, tani vendi është në 107,143. Shtetet e Bashkuara tejkaluan numrin mesatar prej 100,000 për herë të parë në nëntor 2020 dhe arritën kulmin në rreth 250,000 në fillim të janarit 2021, para se të binin në nivele në fund të qershorit.
Ndërkohë, në Amerikë, ka gjithashtu një alarm Covid-19 për fëmijët. Rastet e shkaktuara nga varianti Delta tek më të vegjlit, janë në fakt në rritje si kurrë më parë: në vetëm një javë, nga 22 në 29 korrik, ato u rritën me 85% në krahasim me javën e kaluar, duke arritur në 71,726.
Kjo u denoncua nga Akademia e Pediatërve Amerikanë, e cila zyrtarisht i kërkoi Administratës së Ushqimit dhe Barnave të miratonte shpejt një vaksinë kundër Covid-19 për fëmijët nën 12 vjeç.
Që nga fillimi i pandemisë nuk ka pasur kurrë një rritje të infeksioneve tek fëmijët si në javën e fundit dhe njësitë e kujdesit intensiv të spitaleve, në disa shtete janë në kufi të kapacitetit.
Në Florida, “stafi dhe mjekët janë të tronditur nga numri i shtrimeve në spital të fëmijëve të prekur nga Covid”, tha ekspertja e sëmundjeve infektive të Universitetit Ndërkombëtar të Floridas, Aileen Marty.
“Pediatrët tanë dhe infermierët nuk mund ta durojnë, – shtoi Marty, – dhe fëmijët po vuajnë: është një situatë shkatërruese”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje