.png)
Pas disa javësh jashtë fushave, rikthehet portieri i Kombëtares, Tomas Strakosha. Trajneri i Lacios, Simone Inzagi, e ka futur atë në listën e të grumbulluarve për ndeshjen e sotme me Bajernin e Mynihut, e vlefshme për fazën e 1/8-ve të Ligës së Kampionëve.
Strakosha do të jetë në stol, sigurisht, bashkë me portierin tjetër shqiptar, Marko Alia. Ai vjen nga një periudhë e gjatë pa luajtur dhe titullar sot ndaj ekipit gjerman do të jetë veterani Pepe Reina. Portieri i Kombëtares shqiptare kohët e fundit ka pasur vështirësi, pasi kaloi së pari Covid-19 e më pas një dëmtim. Kjo situatë bëri që ai të humbiste formën dhe vendin e titullarit te Lacio.
Tani duket se ky moment delikat është kaluar dhe Strakosha pritet të kthehet në formën më të mirë. Nuk kanë munguar ndërkohë zërat për shitjen e tij nga Lacio, madje është folur edhe për një interesim të Borusia Dortmundit për të. Zhvillime konkrete për portierin mund të ketë në verë, ndërkohë që rikthimi i tij nga dëmtimi patjetër që është një lajm i mirë për trajneri Edi Reja para ndeshjeve të marsit.
Lista e të grumbullarve ndaj Bajernit
Portierë: Alia, Reina, Strakosha.
Mbrojtës: Açerbi, Armini, Hoedt, Muzakio, Patrik.
Mesfushorë: Akpa Akpro, Kataldi, Eskalante, Fares, Laxari, Leiva, Luis Alberto, Luliç, Marusiç, Milinkoviç-Saviç, Parolo, Pereira.
Sulmues: Kaisedo, Korrea, Imobile, Muriqi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje