.png)
Barcelona është në krizë ekonomike për shkak të Covid-19, krizë qe e ka shtyrë klubin të kërkojë reduktimin e pagave. Trajneri Koeman dhe stafi i tij kanë vendosur të përshtaten me situatën dhe t’ua komunikojnë futbollistëve, ndërkohë që ana tjetër e medaljes ka të bëjë me fushatën elektorale për presidencën e katalanasve.
Njëri prej kandidatëve për të zënë vendin e Bartomeut, Emili Rousaud, ka deklaruar se në projektet e tij është përparësi rikthimi i sulmuesit brazilian Nejmar. Në kampin katalanas ai është pengu më i madh që kur shkoi te PSG-ja. Sipas “As”, kandidati Viktor Font ka thënë se Nejmar nuk do të kthehet kurrë te Barcelona, nëse ai zgjidhet president. Ndryshe mendon Emili Rousaud.
Ai i ka surprizuar të gjithë, kur teksa prezantonte veten si kandidat, ka bërë të ditur edhe planin për të veshur sërish me fanellën e Barcelonës Nejmarin të paktën deri në vitin 2022, kur përfundon edhe kontrata e sulmuesit me klubin parisien. “Kemi kontaktuar njerëzit pranë tij dhe dimë që vitin e kaluar kishte dëshirë të kthehej te Barcelona”, – është shprehur Rousaud.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje