.png)
Komisioni i rithemelimit konfirmoi zyrtarisht atë që në fakt nuk po vihej më në dyshim se do të mbajë Kuvendin e planifikuar në datën 30 Prill.
Zyra e shtypit e PD-së e njoftoi se me datë 30 Prill zhvillohet Kuvendi Kombëtar i Partisë Demokratike.
Për këtë arsye, zyra e shtypit ka kërkuar akreditimin e gazetarëve duke paralajmëruar se përgatitjet për Kuvendin e së shtunës kanë filluar.
Ndërkohë procesi i iniciuar po nga Rithemelimi për zgjedhjen e kryetarëve të degëve po shkon drejt fundit.
Kuvendi Kombëtar i 30 Prillit do të zgjedhë Këshillin e ri Kombëtar që pritet të jetë shumë më i vogël në numër sesa ai aktuali.
Kuvendi pritet të vendos edhe për hapjen e garës për kreun e ri të PD-së.
Brenda muajit qershor pritet që nga Këshilli Kombëtar të miratohet edhe kryesia e partisë me 30 anëtar.
Ende nuk është përcaktuar nëse në Kuvendin e së dielës do të miratohet edhe propozimi për shtyrjen e mandatit të Komisionit të Rithemelimit apo procesin e organizimit më pas do ta marrë Këshilli Kombëtar me kompetenca krejtësisht të ndryshuara nga statuti i miratuar në Kuvendin e 11 dhjetorit.
Ajo qe konfirmohet me siguri eshte fakti se Kuvedni do te ndryshoje serish statutin lidhur me perberjen e Keshillit te ri Kombetar ku do te marrin pjese automatikisht edhe deputetet
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje