.png)
Juventusi mund 2-1 Lacion në ndeshjen përmbyllëse të javës së 34-t të kampionatit dhe tashmë shkëputet 8 pikë nga vendi i dytë që mbahet nga Interi. Kristiano Ronaldo ndëshkoi dy herë Tomas Strakoshën, fillimisht me penallti dhe më pas me portën bosh pas një kundërsulmi të shpejtë bashkë me Dibalën.
Bardhezinjtë vendosin duart te trofeu i titullit kampion, që do të ishte i 9-ti radhazi. Pas një pjese të parë të ekuilibruar, Juventusi fitoi një penallti me VAR dhe Ronaldo gjunjëzoi Strakoshën, edhe pse portieri kuqezi e kuptoi krahun. Strakosha nuk mund të bënte asgjë në rastin e golit të dytë, pasi u gjend i vetëm përballë Dibalës dhe portugezit, të cilët përfituan nga pasimi i gabuar i Luis Felipes.
Çiro Imobile ngushtoi diferencën me penallti 7 minuta para fundit, ndërkohë që portieri Shezni i mohoi golin e barazimit Milikoviç-Saviçit. Strakosha është vlerësuar me notën 6 nga shtypi sportiv italian për paraqitjen e bërë në këtë ndeshje.
Lacio vazhdon të humbë terren në renditje dhe tashmë gjendet në vend të katërt, me 69 pikë, kurse Juventusi ka shkuar 80 pikë. Me 2 golat e shënuar ndaj Lacios, Kristiano Ronaldo ngjitet në kuotën e 30 golave, duke kryesuar renditjen e shënuesve më të mirë të kampionatit bashkë me Imobilen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje